PSALMI IUXTA LXX 42

Iudica me Deus et discerne causam meam de gente non sancta

ab homine iniquo et doloso erue me

₂quia tu es Deus fortitudo mea quare me reppulisti

quare tristis incedo dum adfligit me inimicus

₃emitte lucem tuam et veritatem tuam

ipsa me deduxerunt et adduxerunt in montem sanctum tuum

et in tabernacula tua

₄et introibo ad altare Dei

ad Deum qui laetificat iuventutem meam

confitebor tibi in cithara Deus Deus meus

₅quare tristis es anima mea et quare conturbas me

spera in Deum quoniam ※adhuc: confitebor illi

salutare vultus mei ※et: Deus meus