PSALMI IUXTA HEBR. 86

₁filiorum Core psalmus cantici

fundamentum eius in montibus sanctuarii

₂diligit Dominus portas Sion super omnia tabernacula Iacob

₃gloriosa dicta sunt in te civitas Dei semper

₄commemorabo superbiae et Babylonis scientes me

ecce Palestina et Tyrus cum Aethiopia iste natus est ibi

₅ad Sion autem dicetur vir et vir natus est in ea

et ipse fundavit eam Excelsus

₆Dominus numerabit scribens populos

ipse natus est in ea semper

₇et cantabunt quasi in choris omnes fontes mei in te