PSALMI IUXTA HEBR. 81

₁canticum Asaph

Deus stetit in coetu Dei in medio Deus iudicat

₂usquequo iudicatis iniquitatem

et facies impiorum suscipitis semper

₃iudicate pauperi et pupillo egeno et inopi iuste facite

₄salvate inopem et pauperem de manu impiorum liberate

₅non cognoscunt nec intellegunt in tenebris ambulant

movebuntur omnia fundamenta terrae

₆ego dixi dii estis et filii Excelsi omnes vos

₇ergo quasi Adam moriemini

et quasi unus de principibus cadetis

₈surge Domine iudica terram

quoniam hereditabis omnes gentes