PSALMI IUXTA HEBR. 66

₁victori in psalmis canticum carminis

₂Deus misereatur nostri et benedicat nobis

inlustret faciem suam super nos semper

₃ut nota fiat in terra via tua

in universis gentibus salus tua

₄confiteantur tibi populi Deus confiteantur tibi populi omnes

₅laetentur et laudent gentes

quoniam iudicas populos in aequitate

et gentium quae in terra sunt ductor es sempiternus

₆confiteantur tibi populi Deus confiteantur tibi populi omnes

₇terra dedit germen suum

benedicat nobis Deus Deus noster

₈benedicat nobis Deus

et timeant eum omnes fines terrae