PSALMI IUXTA HEBR. 46

₁victori filiorum Core canticum

₂omnes populi plaudite manibus iubilate Deo in voce laudis

₃quoniam Dominus altissimus terribilis

rex magnus super omnem terram

₄congregavit populos subter nos et tribus sub pedibus nostris

₅elegit nobis hereditatem nostram

gloriam Iacob quam dilexit semper

₆ascendit Deus in iubilo Deus in voce bucinae

₇canite Deo canite canite regi nostro canite

₈quia rex universae terrae Deus canite erudite

₉regnavit Deus super gentes

Deus sedet super thronum sanctum suum

₁₀principes populorum congregati sunt populus Dei Abraham

quoniam Dei scuta terrae vehementer elevata sunt