PSALMI IUXTA HEBR. 4

₁victori in psalmis canticum David

₂invocante me exaudi me Deus

iustitiae meae

in tribulatione dilatasti mihi

miserere mei et exaudi orationem meam

₃filii viri usquequo incliti mei

ignominiose diligitis vanitatem quaerentes

mendacium semper

₄et cognoscite quoniam mirabilem reddidit Dominus sanctum suum

Dominus exaudiet cum clamavero ad eum

₅irascimini et nolite peccare

loquimini in cordibus vestris super cubilia vestra et tacete

semper

₆sacrificate sacrificium iustitiae et fidite in Domino

multi dicunt quis ostendit nobis bonum

₇leva super nos lucem vultus tui Domine

dedisti laetitiam in corde meo

₈in tempore frumentum et vinum eorum multiplicata sunt

₉in pace simul requiescam et dormiam

₁₀quia tu Domine specialiter securum habitare fecisti me