PSALMI IUXTA HEBR. 147

₁₂lauda Hierusalem Dominum

cane Deum tuum Sion

₁₃quia confortavit vectes portarum tuarum

benedixit filiis tuis in medio tui

₁₄qui posuit terminum tuum pacem

adipe frumenti saturavit te

₁₅qui emittit eloquium suum terrae

velociter curret verbum eius

₁₆qui dat nivem quasi lanam pruinas quasi cinerem spargit

₁₇proicit glaciem suam quasi buccellas

ante faciem frigoris eius quis stabit

₁₈mittet verbum suum et solvet illa

spirabit spiritu suo et fluent aquae

₁₉qui adnuntiat verbum suum Iacob

praecepta sua et iudicia sua Israhel

₂₀non fecit similiter omni genti

et iudicia eius non cognoscent alleluia