PSALMI IUXTA HEBR. 127

₁canticum graduum

beatus omnis qui timet Dominum

qui ambulat in viis eius

₂laborem manuum tuarum cum comederis

beatus tu et bene tibi erit

₃uxor tua sicut vitis fructifera

in penetrabilibus domus tuae

filii tui sicut germina olivarum in circuitu mensae tuae

₄ecce sic benedicetur viro qui timet Dominum

₅benedicat tibi Dominus ex Sion

et videas bona Hierusalem omnibus diebus vitae tuae

₆et videas filios filiorum tuorum pacem super Israhel