PSALMI IUXTA HEBR. 126

₁canticum graduum Salomonis

nisi Dominus aedificaverit domum

in vanum laboraverunt qui aedificant eam

nisi Dominus custodierit civitatem frustra vigilat qui custodit eam

₂frustra vobis est de mane consurgere postquam sederitis

qui manducatis panem idolorum

sic dabit diligentibus se somnum

₃ecce hereditas Domini filii mercis fructus ventris

₄sicut sagittae in manu potentis ita filii iuventutis

₅beatus vir qui implevit faretram suam ex ipsis

non confundentur cum loquentur inimicis in porta