PSALMI IUXTA HEBR. 125

₁canticum graduum

cum converteret Dominus captivitatem Sion

facti sumus quasi somniantes

₂tunc implebitur risu os nostrum et lingua nostra laude

tunc dicent in gentibus magnificavit Dominus facere cum istis

₃magnificavit Dominus facere nobiscum facti sumus laetantes

₄converte Domine captivitatem nostram sicut rivum in austro

₅qui seminant in lacrimis in exultatione metent

₆qui ambulans ibat et flebat

portans ad seminandum sementem

veniens veniet in exultatione portans manipulos suos