PSALMI IUXTA HEBR. 124

₁canticum graduum

qui confidunt in Domino

quasi mons Sion inmobilis in aeternum habitabilis

₂Hierusalem montes in circuitu eius

et Dominus in circuitu populi sui

amodo et usque in aeternum

₃quia non requiescet virga impietatis super sortem iustorum

ut non mittant iusti in iniquitatem manus suas

₄benefac Domine bonis et rectis corde

₅qui autem declinant ad pravitates suas

deducet eos Dominus cum his qui operantur iniquitatem

pax super Israhel