PSALMI IUXTA HEBR. 122

₁canticum graduum

ad te levavi oculos meos qui habitas in caelis

₂ecce sicut oculi servorum ad manum dominorum suorum

sicut oculi ancillae ad manum dominae suae

sic oculi nostri ad Dominum Deum nostrum

donec misereatur nostri

₃miserere nostri Domine miserere nostri

quoniam multum repleti sumus despectione

₄multum repleta est anima nostra

obprobrii abundantium et despectionis superborum