PSALMI IUXTA HEBR. 121

₁canticum graduum David

laetatus sum eo quod dixerint mihi

in domum Domini ibimus

₂stantes erant pedes nostri in portis tuis Hierusalem

₃Hierusalem quae aedificaris ut civitas

cuius participatio eius simul

₄quia ibi ascenderunt tribus tribus Domini

testimonium Israhel ad confitendum nomini Domini

₅quia ibi sederunt sedes in iudicio sedes domui David

₆rogate pacem Hierusalem sit bene his qui diligunt te

₇sit pax in muris tuis abundantia in domibus tuis

₈propter fratres meos et amicos meos loquar pacem tibi

₉propter domum Domini Dei nostri

quaeram bona tibi