PSALMI IUXTA HEBR. 120

₁canticum graduum

levavi oculos meos in montes

unde veniet auxilium meum

₂auxilium meum a Domino factore caeli et terrae

₃non det in commotionem pedem tuum

nec dormitet qui custodit te

₄ecce non dormitabit neque dormiet

qui custodiet Israhel

₅Dominus custodiet te Dominus protectio tua

super manum dexteram tuam

₆per diem sol non percutiet te neque luna per noctem

₇Dominus custodiet te ab omni malo custodiat animam tuam

₈Dominus custodiat exitum tuum et introitum tuum

amodo et usque in aeternum