PSALMI IUXTA HEBR. 119

₁canticum graduum

ad Dominum in tribulatione mea clamavi

et exaudivit me

₂Domine libera animam meam a labio mendacii a lingua dolosa

₃quid detur tibi aut quid adponatur tibi ad linguam dolosam

₄sagittae potentis acutae cum carbonibus iuniperorum

₅heu mihi quia peregrinatio mea prolongata est

habitavi cum tabernaculis Cedar

₆multum peregrinata est anima mea

₇cum odientibus pacem

ego pacifica loquebar et illi bellantia