LIBER NEEMIAE 11

₁habitaverunt autem principes populi in Hierusalem

reliqua vero plebs misit sortem

ut tollerent unam partem de decem

qui habitaturi essent in Hierusalem in civitate sancta

novem vero partes in civitatibus

₂benedixit autem populus omnibus viris

qui se sponte obtulerunt ut habitarent in Hierusalem

₃hii sunt itaque principes provinciae qui habitaverunt in Hierusalem

et in civitatibus Iuda habitavit unusquisque

in possessione sua in urbibus suis

Israhel sacerdotes Levitae

Nathinnei et filii servorum Salomonis

₄et in Hierusalem habitaverunt de filiis Iuda et de filiis Beniamin

de filiis Iuda Athaias filius Aziam

filii Zacchariae filii Amariae filii Saphatia filii Malelehel

de filiis Phares

₅Imaasia filius Baruch

filius Coloza filius Azia filius Adaia

filius Ioiarib filius Zacchariae filius Silonites

₆omnes filii Phares qui habitaverunt in Hierusalem

quadringenti sexaginta octo viri fortes

₇hii sunt autem filii Beniamin

Sellum filius Mosollam filius Ioed

filius Phadaia filius Colaia filius Masia

filius Ethehel filius Isaia

₈et post eum Gabbai Sellai nongenti viginti octo

₉et Iohel filius Zechri praepositus eorum

et Iuda filius Sennua super civitatem secundus

₁₀et de sacerdotibus Idaia filius Ioarib Iachin

₁₁Saraia filius Elcia filius Mesollam

filius Sadoc filius Meraioth filius Ahitub

princeps domus Dei

₁₂et fratres eorum facientes opera templi octingenti viginti duo

et Adaia filius Ieroam

filius Felelia filius Amsi filius Zacchariae

filius Phessur filius Melchiae

₁₃et fratres eius principes patrum ducenti quadraginta duo

et Amassai filius Azrihel filius Aazi

filius Mosollamoth filius Emmer

₁₄et fratres eorum potentes nimis centum viginti octo

et praepositus eorum Zabdihel filius potentium

₁₅et de Levitis Sebenia filius Asob

filius Azaricam filius Asabia filius Boni

₁₆et Sabathai et Iozabed

super opera quae erant

forinsecus

in domo Dei a principibus Levitarum

₁₇et Mathania filius Micha filius Zebdaei filius Asaph

princeps ad laudandum et confitendum in

oratione

et Becbecia secundus de fratribus eius

et Abda filius Sammua filius Galal filius Idithun

₁₈omnes Levitae in civitate sancta ducenti octoginta quattuor

₁₉et ianitores Accob Telmon et fratres eorum

qui custodiebant ostia centum septuaginta duo

₂₀et reliqui ex Israhel sacerdotes et Levitae

in universis civitatibus Iuda unusquisque in possessione sua

₂₁et Nathinnei qui habitabant in Ofel

et Siaha et Gaspha de Nathinneis

₂₂et episcopus Levitarum in Hierusalem

Azzi filius Bani filius Asabiae filius Matthaniae filius Michae

de filiis Asaph cantores

in ministerio domus Dei

₂₃praeceptum quippe regis super eos erat

et ordo in cantoribus per dies singulos

₂₄et Fataia filius Mesezebel de filiis Zera filii Iuda

in manu regis iuxta omne verbum populi

₂₅et in domibus per omnes regiones eorum

de filiis Iuda habitaverunt in Cariatharbe et in filiabus eius

et in Dibon et in filiabus eius

et in Capsel et in viculis eius

₂₆et in Iesue et in Molada

et in Bethfaleth

₂₇et in Asersual

et in Bersabee et in filiabus eius

₂₈et in Siceleg et in Mochona et in filiabus eius

₂₉et in Ainremmon

et in Sara et in Irimuth

₃₀Zanoa Odollam et villis earum

Lachis et regionibus eius

Azeca et filiabus eius

et manserunt in Bersabee usque ad vallem Ennom

₃₁filii autem Beniamin a Geba Mechmas et Aia

et Bethel et filiabus eius

₃₂Anathoth Nob Anania

₃₃Asor Rama Getthaim

₃₄Adid Seboim Neballa Loth

₃₅et Ono valle Artificum

₃₆et de Levitis partitiones Iuda et Beniamin