LIBER NEEMIAE 12

₁hii autem sacerdotes et Levitae

qui ascenderunt cum Zorobabel filio Salathihel et Iosue

Saraia Hieremias Ezra

₂Amaria Melluch Attus

₃Sechenia Reum Meremuth

₄Addo

Genthon Abia

₅Miamin Madia Belga

₆Semaia

et Ioarib Idaia Sellum Amoc Elceia

₇Idaia

isti principes sacerdotum et fratres eorum in diebus Iosue

₈porro Levitae Iesua Bennui Cedmihel

Sarabia Iuda Mathanias super hymnos

ipsi et fratres eorum

₉et Becbecia atque et Hanni fratres eorum

unusquisque in officio suo

₁₀Hiesue autem genuit Ioachim et Ioachim genuit Eliasib

et Eliasib genuit Ioiada

₁₁et Ioiada genuit Ionathan

et Ionathan genuit Ieddoa

₁₂in diebus autem Ioachim erant sacerdotes principes

familiarum

Saraiae Amaria Hieremiae Anania

₁₃Ezrae Mosollam Amariae Iohanan

₁₄Milico Ionathan

Sebeniae Ioseph

₁₅Arem Edna Maraioth Elci

₁₆Addaiae Zaccharia Genthon Mosollam

₁₇Abiae Zecheri

Miamin et Moadiae Felti

₁₈Belgae Sammua Semaiae Ionathan

₁₉Ioiarib Matthanai Iadaiae Azzi

₂₀Sellaiae Celai

Amoc Eber

₂₁Elciae Asebia Idaiae Nathanahel

₂₂Levitae in diebus Eliasib et Ioiada et Ionan et Ieddoa

scripti principes familiarum et sacerdotes in regno Darii Persae

₂₃filii Levi principes familiarum scripti in libro verborum dierum

et usque ad dies Ionathan filii Eliasib

₂₄et principes Levitarum Asebia Serebia et Iesue filius Cedmihel

et fratres eorum per vices suas

ut laudarent et confiterentur iuxta praeceptum David viri Dei

et observarent aeque per ordinem

₂₅Matthania et Becbecia Obedia Mosollam Thelmon Accub

custodes portarum et vestibulorum ante portas

₂₆hii in diebus Ioachim filii Iesue filii Iosedech

et in diebus Neemiae ducis et Ezrae sacerdotis scribaeque

₂₇in dedicatione autem muri Hierusalem

requisierunt Levitas de omnibus locis suis

ut adducerent eos in Hierusalem

et facerent dedicationem et laetitiam

in actione gratiarum et in cantico

in cymbalis psalteriis et citharis

₂₈congregati sunt ergo filii cantorum

et de campestribus circa Hierusalem et de villis Netuphati

₂₉et de domo Galgal et de regionibus Geba et Azmaveth

quoniam villas aedificaverunt sibi cantores in circuitu

Hierusalem

₃₀et mundati sunt sacerdotes et Levitae

et mundaverunt populum et portas et murum

₃₁ascendere autem feci principes Iuda super murum

et statui duos choros laudantium magnos

et ierunt ad dexteram super murum ad portam Sterquilinii

₃₂et ivit post eos Osaias et media pars principum Iuda

₃₃et Azarias Ezras et Mosollam

Iuda et Beniamin et Semeia et Hieremia

₃₄et de filiis sacerdotum in tubis Zaccharias filius Ionathan

filius Semeiae filius Mathaniae filius Michaiae

filius Zecchur filius Asaph

₃₅et fratres eius Semeia et Azarel Malalai Galalai

Maai Nathanel et Iuda et Anani

in vasis cantici David viri Dei

et Ezras scriba ante eos in porta Fontis

₃₆et contra eos ascenderunt in gradibus civitatis David

in ascensu muri super domum David

et usque ad portam Aquarum ad orientem

₃₇et chorus secundus gratias referentium ibat ex adverso

et ego post eum et media pars populi

super murum et super turrem Furnorum

et usque ad murum latissimum

₃₈et super portam Ephraim et super portam Antiquam

et super portam Piscium et turrem Ananehel et turrem Ema

et usque ad portam Gregis

et steterunt in porta Custodiae

₃₉steteruntque duo chori laudantium in domo Dei

et ego et dimidia pars magistratuum mecum

₄₀et sacerdotes Eliachim Maasia Miniamin

Michea Elioenai Zaccharia Anania in tubis

₄₁et Maasia et Semea et Eleazar et Azi et Iohanan et Melchia

et Elam et Ezer

et clare cecinerunt cantores et Iezraia praepositus

₄₂et immolaverunt in die illa victimas magnas et laetati sunt

Deus enim laetificaverat eos laetitia magna

sed et uxores eorum et liberi gavisi sunt

et audita est laetitia Hierusalem procul

₄₃recensuerunt quoque in die illa viros super gazofilacia thesauri

ad libamina et ad primitias et ad decimas

ut introferrent per eos principes civitatis

in decore gratiarum actionis sacerdotes et Levitas

quia laetatus est Iuda in sacerdotibus et Levitis adstantibus

₄₄et custodierunt observationem Dei sui

et observationem expiationis

et cantores et ianitores

iuxta praeceptum David et Salomonis filii eius

₄₅quia in diebus David et Asaph

ab exordio erant principes constituti cantorum in carmine

laudantium et confitentium Deo

₄₆et omnis Israhel in diebus Zorobabel et in diebus Neemiae

dabat partes cantoribus et ianitoribus per dies singulos

et sanctificabant Levitas

et Levitae sanctificabant filios Aaron