LIBER NEEMIAE 10

₁signatores autem fuerunt

Neemias Athersatha filius Achelai et Sedecias

₂Saraias Azarias Hieremias

₃Phessur Amaria Melchia

₄Attus Sebenia

Melluc

₅Arem Mermuth Obdias

₆Danihel Genton

Baruch

₇Mosollam Abia Miamin

₈Mazia

Belga Semaia hii sacerdotes

₉porro Levitae Iosue filius Azaniae

Bennui de filiis Enadad Cedmihel

₁₀et fratres eorum

Sechenia Odevia Celita Phalaia Anan

₁₁Micha Roob Asebia

₁₂Zacchur Serebia

Sabania

₁₃Odia Bani Baninu

₁₄capita populi Pheros Phaethmoab Helam Zethu Bani

₁₅Bonni Azgad Bebai

₁₆Adonia Beggoai Adin

₁₇Ater Ezechia Azur

₁₈Odevia Asum Besai

₁₉Ares Anathoth Nebai

₂₀Mecphia Mosollam

Azir

₂₁Mesizabel Sadoc Ieddua

₂₂Felthia Anan

Ania

₂₃Osee Anania Asub

₂₄Aloes Phaleam

Sobec

₂₅Reum Asebna

Madsia

₂₆et Haia Hanam

Anan

₂₇Melluc Arem Baana

₂₈et reliqui de populo

sacerdotes Levitae ianitores et cantores

Nathinnei et omnes qui se separaverunt de populis terrarum ad legem Dei

uxores eorum filii eorum et filiae eorum

₂₉omnis qui poterat sapere

spondentes pro fratribus suis

optimates eorum et qui veniebant ad pollicendum et iurandum

ut ambularent in lege Dei quam dederat in manu Mosi servi Dei

ut facerent et custodirent universa mandata Domini Dei nostri

et iudicia eius et caerimonias eius

₃₀et ut non daremus filias nostras populo terrae

et filias eorum non acciperemus filiis

nostris

₃₁populi quoque terrae qui inportant venalia et omnia ad usum

per diem sabbati ut vendant

non accipiemus ab eis in sabbato et in die sanctificata

et dimittemus annum septimum et exactionem universae manus

₃₂et statuemus super nos praecepta

ut demus tertiam partem sicli per annum

ad opus domus Dei nostri

₃₃ad panes propositionis et ad sacrificium sempiternum

et in holocaustum sempiternum

in sabbatis in kalendis in sollemnitatibus et in sanctificatis

et pro peccato ut exoretur pro Israhel

et in omnem usum domus Dei nostri

₃₄sortes ergo misimus super oblatione

lignorum

inter sacerdotes et Levitas et populos

ut inferrentur in domum Dei nostri

per domos patrum nostrorum

per tempora a temporibus anni usque ad annum

ut arderent super altare Domini Dei nostri

sicut scriptum est in lege Mosi

₃₅et ut adferremus primogenita terrae nostrae

et primitiva universi fructus omnis ligni

ab anno in annum in domo Domini

₃₆et primitiva filiorum nostrorum et pecorum nostrorum

sicut scriptum est in lege

et primitiva boum nostrorum et ovium nostrarum

ut offerrentur in domo Dei nostri

sacerdotibus qui ministrant in domo Dei nostri

₃₇et primitias ciborum nostrorum et libaminum nostrorum

et poma omnis ligni vindemiae quoque et olei

adferemus sacerdotibus ad gazofilacium Dei nostri

et decimam partem terrae nostrae Levitis

ipsi Levitae decimas accipient

ex omnibus civitatibus operum nostrorum

₃₈erit autem sacerdos filius Aaron cum Levitis in decimis Levitarum

et Levitae offerent decimam partem decimae suae

in domum Dei nostri ad gazofilacium in domo thesauri

₃₉ad gazofilacium enim deportabunt filii Israhel et filii

Levi

primitias frumenti vini et olei

et ibi erunt vasa sanctificata

et sacerdotes et cantores et ianitores et ministri

et non dimittemus domum Dei nostri