LIBER IOB 25

₁respondens autem Baldad Suites dixit

₂potestas et terror apud eum est

qui facit concordiam in sublimibus suis

₃numquid est numerus militum eius

et super quem non surget lumen illius

₄numquid iustificari potest homo conparatus Deo

aut apparere mundus natus de muliere

₅ecce etiam luna non splendet

et stellae non sunt mundae in conspectu eius

₆quanto magis homo putredo et filius hominis vermis