VERBA DIERUM I 4

₁filii Iuda Phares Esrom et Carmi et Ur et Subal

₂Reaia vero filius Subal genuit Ieth

de quo nati sunt Ahimai et Laed

hae cognationes Sarathi

₃ista quoque stirps Hetam Iezrahel et Iesema et

Iedebos

nomenque sororis eorum Asalelphuni

₄Phunihel autem pater Gedor et Ezer pater Osa

isti sunt filii Ur primogeniti Ephrata patris Bethleem

₅Asur vero patris Thecue erant duae uxores Halaa et Naara

₆peperit autem ei Naara Oozam et Epher et Themani et Asthari

isti sunt filii Naara

₇porro filii Halaa Sereth Isaar et Ethnan

₈Cos autem genuit Anob et Sobaba

et cognationem Aral filii Arum

₉fuit autem Iabes inclitus prae fratribus suis

et mater eius vocavit nomen illius Iabes dicens

quia peperi eum in dolore

₁₀invocavit vero Iabes Deum Israhel dicens

si benedicens benedixeris mihi et dilataveris terminos meos

et fuerit manus tua mecum et feceris me a malitia non opprimi

et praestitit Deus quae precatus est

₁₁Chaleb autem frater Suaa genuit Machir qui fuit pater Esthon

₁₂porro Esthon genuit Bethrapha et Phesse

et Thena patrem urbis Naas

hii sunt viri Recha

₁₃filii autem Cenez Othonihel et Saraia

porro filii Othonihel Athath

₁₄et Maonathi genuit Ophra

Saraias autem genuit Ioab patrem vallis Artificum

ibi quippe artifices erant

₁₅filii vero Chaleb filii Iephonne Hir et Hela et Nahem

filiique Hela et Cenez

₁₆filii quoque Iallelel Ziph et Zipha Thiria et Asrahel

₁₇et filii Ezra Iether et Mered et Epher et Ialon

genuitque Mariam et Sammai et Iesba patrem Esthamo

₁₈uxor quoque eius Iudaia peperit Iared patrem Gedor

et Heber patrem Soccho et Hicuthihel patrem Zano

hii autem filii Beththiae filiae Pharaonis quam accepit Mered

₁₉et filii uxoris Odaiae sororis Naham patris Ceila

Garmi et Esthamo qui fuit de Machathi

₂₀filii quoque Simon Amnon et Rena filius Anan et Thilon

et filii Iesi Zoeth et Benzoeth

₂₁filii Sela filii Iuda Her pater Lecha et Laada pater Maresa

et cognationes Domus operantium byssum in domo Iuramenti

₂₂et Qui stare fecit solem virique Mendacii

et Securus et Incendens

qui principes fuerunt in Moab et qui reversi sunt in Leem

haec autem verba vetera

₂₃hii sunt figuli habitantes in plantationibus

et in praesepibus apud regem in operibus eius

commoratique sunt ibi

₂₄filii Symeon Namuhel et Iamin Iarib Zara Saul

₂₅Sellum filius eius Mabsam filius eius Masma filius eius

₂₆filii Masma Amuhel filius eius Zacchur filius eius Semei filius eius

₂₇filii Semei sedecim et filiae sex

fratres autem eius non habuerunt filios multos

et universa cognatio non potuit adaequare summam filiorum Iuda

₂₈habitaverunt autem in Bersabee et Molada et Asarsual

₂₉et in Ballaa et in Asom et in Tholad

₃₀et in Bathuhel et in Orma et in Siceleg

₃₁et in Bethmarchaboth et in Asarsusim et in Bethberai et in Saarim

hae civitates eorum usque ad regem David

₃₂villae quoque eorum Etham et Aen et Remmon et Thochen et Asan

civitates quinque

₃₃et universi viculi eorum per circuitum civitatum istarum usque ad Baal

haec est habitatio eorum et sedum distributio

₃₄Masobab quoque et Iemlech

et Iosa filius Amasiae

₃₅et Iohel

et Ieu filius Iosabiae filii Saraiae filii Asihel

₃₆et Helioenai et Iacoba et Isuaia et Asaia

et Adihel et Isimihel et Banaia

₃₇Ziza quoque filius Sephei filii Allon filii Idaia filii Semri filii

Samaia

₃₈isti sunt nominati principes in cognationibus suis

et in domo adfinitatum suarum multiplicati sunt vehementer

₃₉et profecti sunt ut ingrederentur in Gador usque ad orientem vallis

et ut quaererent pascua gregibus suis

₄₀inveneruntque pascuas uberes et valde bonas

et terram latissimam et quietam et fertilem

in qua ante habitaverunt de stirpe Ham

₄₁hii ergo venerunt quos supra descripsimus nominatim

in diebus Ezechiae regis Iuda

et percusserunt tabernacula eorum

et habitatores qui inventi fuerant ibi

et deleverunt eos usque in praesentem diem

habitaveruntque pro eis

quoniam uberrimas ibidem pascuas reppererunt

₄₂de filiis quoque Symeon abierunt in montem Seir viri quingenti

habentes principes Phaltiam et Nahariam

et Raphaiam et Ozihel filios Iesi

₄₃et percusserunt reliquias

quae evadere potuerant Amalechitarum

et habitaverunt ibi pro eis usque ad diem hanc