PSALMI IUXTA LXX 86

Fundamenta eius in montibus sanctis

₂diligit Dominus portas Sion super omnia tabernacula Iacob

₃gloriosa dicta sunt de te civitas Dei diapsalma

₄memor ero Raab et Babylonis scientibus me

ecce alienigenae et Tyrus et populus Aethiopum hii fuerunt illic

₅numquid Sion dicet homo et homo natus est in ea

et ipse fundavit eam Altissimus

₆Dominus narrabit in scriptura populorum

et principum horum qui fuerunt in ea diapsalma

₇sicut laetantium omnium habitatio in te