PSALMI IUXTA LXX 23

Domini est terra et plenitudo eius

orbis terrarum et ÷universi: qui habitant in eo

₂※quia: ipse super maria fundavit eum

et super flumina praeparavit eum

₃quis ascendit in montem Domini

aut quis stabit in loco sancto eius

₄innocens manibus et mundo corde

qui non accepit in vano animam suam

nec iuravit in dolo proximo suo

₅hic accipiet benedictionem a Domino

et misericordiam a Deo salvatore suo

₆haec est generatio quaerentium eum

quaerentium faciem Dei Iacob diapsalma

₇adtollite portas principes vestras et elevamini portae aeternales

et introibit rex gloriae

₈quis est iste rex gloriae

Dominus fortis et potens Dominus potens in proelio

₉adtollite portas principes vestras et elevamini portae

aeternales

et introibit rex gloriae

₁₀quis est iste rex gloriae

Dominus virtutum ipse est rex gloriae diapsalma