PSALMI IUXTA HEBR. 99

₁canticum in gratiarum actione

₂iubilate Domino omnis terra servite Domino in laetitia

ingredimini coram eo in laude

₃scitote quoniam Dominus ipse est Deus

ipse fecit nos et ipsius sumus populus eius et grex pascuae eius

₄ingredimini portas eius in gratiarum actione atria eius in laude

confitemini ei benedicite nomini eius

₅quia bonus Dominus in sempiternum misericordia eius

et usque ad generationem et generationem fides eius