PSALMI IUXTA HEBR. 97

₁canticum

cantate Domino canticum novum quia mirabilia fecit

salvavit sibi dextera eius et brachium

sanctum eius

₂notum fecit Dominus salutare suum

in conspectu gentium revelavit iustitiam suam

₃recordatus est misericordiae suae et veritatis suae domui

Iacob

viderunt omnes fines terrae salutare Dei nostri

₄iubilate Domino omnis terra vociferamini et laudate et canite

₅cantate Domino in cithara in cithara et

voce carminis

₆in tubis et clangore bucinae iubilate coram rege Domino

₇tonet mare et plenitudo eius orbis et habitatores eius

₈flumina plaudent manu simul montes laudabunt

₉ante Dominum quia venit iudicare terram

iudicabit orbem in iustitia et populos in aequitatibus