PSALMI IUXTA HEBR. 94

₁venite laudemus Dominum iubilemus petrae Iesu nostro

₂praeoccupemus vultum eius in actione gratiarum

in canticis iubilemus ei

₃quoniam fortis et magnus Dominus

et rex magnus super omnes deos

₄in cuius manu fundamenta terrae et excelsa montium ipsius sunt

₅cuius est mare ipse enim fecit illud

et siccam manus eius plasmaverunt

₆venite adoremus et curvemur

flectamus genua ante faciem Domini factoris nostri

₇quia ipse est Deus noster

et nos populus pascuae eius et grex manus eius

₈hodie si vocem eius audieritis

nolite indurare corda vestra

₉sicut in

contradictione

sicut in die temptationis in deserto

ubi temptaverunt me patres vestri

probaverunt me et viderunt opus meum

₁₀quadraginta annis displicuit mihi generatio illa

et dixi populus errans corde est

₁₁et non cognoscens vias meas

et iuravi in furore meo ut non introirent in requiem meam