PSALMI IUXTA HEBR. 92

₁Dominus regnavit gloria indutus est

indutus est Dominus fortitudine et accinctus est

insuper adpendit orbem qui non commovebitur

₂firmum solium tuum ex tunc ab aeterno tu es

₃levaverunt flumina Domine levaverunt flumina voces suas

levaverunt flumina gurgites suos

₄a vocibus aquarum multarum

grandes fluctus maris grandis in excelso Dominus

₅testimonia tua fidelia facta sunt nimis

domum tuam decet sanctitas Domine

in longitudine dierum