PSALMI IUXTA HEBR. 69

₁victori David ad recordandum

₂Deus ut liberes me Domine ut auxilieris mihi festina

₃confundantur et erubescant qui quaerunt animam meam

₄convertantur retrorsum et erubescant qui volunt malum mihi

revertantur ad vestigium confusionis suae qui dicunt va va

₅gaudeant et laetentur in te omnes qui quaerunt te

et dicant semper magnificetur Deus qui diligunt salutare tuum

₆ego autem egenus et pauper Deus festina pro me

auxilium meum et salvator meus tu Domine ne moreris