PSALMI IUXTA HEBR. 6

₁victori in psalmis super octava canticum David

₂Domine ne in furore tuo arguas me neque in ira tua corripias me

₃miserere mei Domine quoniam infirmus sum

sana me Domine quoniam conturbata sunt ossa mea

₄et anima mea turbata est valde et tu Domine usquequo

₅revertere Domine erue animam meam

salva me propter misericordiam tuam

₆quoniam non est in morte recordatio tui

in inferno quis confitebitur tibi

₇laboravi in gemitu meo

natare faciam tota nocte lectulum meum

lacrimis meis stratum meum rigabo

₈caligavit prae amaritudine oculus meus

consumptus sum ab universis hostibus meis

₉recedite a me omnes qui operamini iniquitatem

quia audivit Dominus vocem fletus mei

₁₀audivit Dominus deprecationem meam

Dominus orationem meam suscipiet

₁₁confundantur et conturbentur vehementer omnes inimici mei

revertantur et confundantur subito ter omnes inimici mei

revertantur et confundantur subito