PSALMI IUXTA HEBR. 129

₁canticum graduum

de profundis clamavi ad te Domine

₂Domine exaudi vocem meam

fiant aures tuae intendentes ad vocem deprecationis meae

₃si iniquitates observabis Domine

Domine quis sustinebit

₄quia tecum est propitiatio cum terribilis sis

sustinui Dominum sustinuit anima mea et verbum eius expectavi

₅anima mea ad Dominum

₆a vigilia matutina usque ad vigiliam matutinam

expectet Israhel Dominum

₇quia apud Dominum misericordia et multa apud eum redemptio

₈et ipse redimet Israhel ex omnibus iniquitatibus eius