PSALMI IUXTA HEBR. 112

₁alleluia laudate servi Dominum laudate nomen Domini

₂sit nomen Domini benedictum amodo et usque in aeternum

₃ab ortu solis usque ad occasum eius laudabile nomen Domini

₄excelsus super omnes gentes Dominus

super caelum gloria eius

₅quis ut Dominus Deus noster

qui in excelsis habitans

₆humilia respicit in caelo et in terra

₇suscitans de terra inopem et de stercore elevat pauperem

₈ut eum sedere faciat cum principibus cum principibus populi sui

₉qui conlocat sterilem in domo

matrem filiorum laetantem alleluia