PSALMI IUXTA HEBR. 111

₁aleph beatus vir qui timet Dominum

beth in mandatis eius volet nimis

₂gimel potens in terra erit semen eius

deleth generatio iustorum benedicetur

₃he substantia et divitiae in domo eius

vav et iustitia eius perseverans semper

₄zai ortum est in tenebris lumen iustis

heth clemens et misericors et iustus

₅teth bonus vir clemens et fenerans

ioth dispensabit verba sua in iudicio

₆caph quia in aeternum non commovebitur

₇lameth in memoria sempiterna erit iustus

mem ab auditu malo non timebit

nun paratum cor eius confidens in Domino

₈samech firmum cor eius non timebit

ain donec aspiciat hostibus suis

₉phe dispersit dedit pauperibus

sade iustitia eius permanet in aeternum

coph cornu eius exaltabitur in gloria

₁₀res impius videbit et irascetur

sen dentibus suis frendet et tabescet

thau desiderium impiorum peribit