PSALMI IUXTA HEBR. 110

₁alleluia

aleph confitebor Domino in toto corde

beth in consilio iustorum et congregatione

₂gimel magna opera Domini

deleth exquirenda in cunctis voluntatibus suis

₃he gloria et decor opus eius

vav et iustitia eius perseverans semper

₄zai memoriam fecit mirabilium suorum

heth clemens et misericors Dominus

₅teth escam dedit timentibus se

ioth memor erit in sempiternum pacti sui

₆caph fortitudinem operum suorum adnuntiabit populo suo

₇lameth ut det eis hereditatem gentium

mem opus manuum eius veritas et iudicium

₈nun fidelia omnia praecepta eius

samech firmata in sempiternum iugiter

ain facta in veritate et aequitate

₉fe redemptionem misit populo suo

sade mandavit in aeternum pactum suum

coph sanctum et terribile nomen eius

₁₀res principium sapientiae timor Domini

sen doctrina bona cunctis qui faciunt ea

thau laus eius perseverans iugiter alleluia