PSALMI IUXTA HEBR. 109

₁David canticum

dixit Dominus Domino meo sede a dextris meis

donec ponam inimicos tuos scabillum pedum tuorum

₂virgam fortitudinis tuae emittet Dominus ex Sion

dominare in medio inimicorum tuorum

₃populi tui spontanei erunt

in die fortitudinis tuae

in montibus sanctis quasi de vulva orietur tibi ros adulescentiae tuae

₄iuravit Dominus et non paenitebit eum

tu es sacerdos in aeternum secundum ordinem Melchisedech

₅Dominus ad dexteram tuam percussit in die

furoris sui reges

₆iudicabit in gentibus implebit valles

percutiet caput in terra multa

₇de torrente in via bibet propterea exaltabit caput