PSALMI IUXTA HEBR. 1

₁beatus vir qui non abiit in consilio impiorum

et in via peccatorum non stetit

in cathedra derisorum non sedit

₂sed in lege Domini voluntas eius

et in lege eius meditabitur die ac nocte

₃et erit tamquam lignum transplantatum iuxta rivulos aquarum

quod fructum suum dabit in tempore suo

et folium eius non defluet

et omne quod fecerit prosperabitur

₄non sic impii sed tamquam pulvis quem proicit ventus

₅propterea non resurgent impii in iudicio

neque peccatores in congregatione iustorum

₆quoniam novit Dominus viam iustorum et iter impiorum peribit