LIBER NEEMIAE 7

₁postquam autem aedificatus est murus et posui valvas

et recensui ianitores et cantores et Levitas

₂praecepi Aneni fratri meo

et Ananiae principi domus de Hierusalem

ipse enim quasi vir verax et timens Deum plus ceteris

videbatur

₃et dixi eis

non aperiantur portae Hierusalem usque ad calorem solis

cumque adhuc adsisterent clausae portae sunt et oppilatae

et posui custodes de habitatoribus Hierusalem

singulos per vices suas et unumquemque contra domum suam

₄civitas autem erat lata nimis et grandis

et populus parvus in medio eius

et non erant domus aedificatae

₅dedit autem Deus in corde meo

et congregavi optimates et magistratus et vulgum

ut recenserem eos

et inveni librum census eorum qui ascenderant primum

et inventum est scriptum in eo

₆isti filii provinciae qui ascenderunt de captivitate migrantium

quos transtulerat Nabuchodonosor rex Babylonis

et reversi sunt in Hierusalem et in Iudaeam

unusquisque in civitatem suam

₇qui venerunt cum Zorobabel

Hiesuae Neemias Azarias

Raamias Naamni Mardocheus

Belsar Mespharath Beggoai Naum Baana

numerus virorum populi Israhel

₈filii Pharos duo milia centum septuaginta duo

₉filii Saphatiae trecenti septuaginta duo

₁₀filii Area sescenti quinquaginta duo

₁₁filii Phaethmoab filiorum Hiesuae et Ioab duo milia octingenti decem et

octo

₁₂filii Helam mille octingenti quinquaginta quattuor

₁₃filii Zethua octingenti quadraginta quinque

₁₄filii Zacchai septingenti sexaginta

₁₅filii Bennui sescenti quadraginta octo

₁₆filii Bebai sescenti viginti octo

₁₇filii Azgad duo milia trecenti viginti duo

₁₈filii Adonicam sescenti sexaginta septem

₁₉filii Baggoaim duo milia sexaginta septem

₂₀filii Adin sescenti quinquaginta quinque

₂₁filii Ater filii Ezechiae nonaginta octo

₂₂filii Asem trecenti viginti octo

₂₃filii Besai trecenti viginti quattuor

₂₄filii Areph centum duodecim

₂₅filii Gabaon nonaginta quinque

₂₆viri Bethleem et Netupha centum octoginta octo

₂₇viri Anathoth centum viginti octo

₂₈viri Bethamoth quadraginta duo

₂₉viri Cariathiarim Cephira et Beroth septingenti quadraginta tres

₃₀viri Rama et Geba sescenti viginti unus

₃₁viri Machmas centum viginti duo

₃₂viri Bethel et Hai centum viginti tres

₃₃viri Nebo alterius quinquaginta duo

₃₄viri Helam alterius mille ducenti quinquaginta quattuor

₃₅filii Arem trecenti viginti

₃₆filii Hiericho trecenti quadraginta quinque

₃₇filii Lod Adid et Ono septingenti viginti unus

₃₈filii Senaa tria milia nongenti triginta

₃₉sacerdotes

filii Idaia in domo Iosua nongenti septuaginta tres

₄₀filii Emmer mille quinquaginta duo

₄₁filii Phassur mille ducenti quadraginta septem

₄₂filii Arem mille decem et septem

Levitae

₄₃filii Iosue et Cadmihel filiorum

₄₄Oduia septuaginta quattuor

cantores

₄₅filii Asaph centum quadraginta octo

₄₆ianitores filii Sellum filii Ater filii Telmon filii Accub

filii Atita filii Sobai centum triginta

octo

₄₇Nathinnei filii Soa filii Asfa filii Tebaoth

₄₈filii Ceros filii Siaa filii Fado filii Lebana filii Agaba

filii Selmon

₄₉filii Anan filii Geddel filii Gaer

₅₀filii Raaia filii Rasim filii Necoda

₅₁filii Gezem

filii Aza filii Fasea

₅₂filii Besai filii Munim

filii Nephusim

₅₃filii Becbuc filii Acupha

filii Arur

₅₄filii Besloth filii Meida filii Arsa

₅₅filii Bercos filii Sisara filii Thema

₅₆filii Nesia filii Atipha

₅₇filii servorum Salomonis filii Sotai filii Sophereth

filii Pherida

₅₈filii Iahala filii Dercon

filii Geddel

₅₉filii Saphatia filii Athil filii Phocereth

qui erat ortus ex Sabaim filio Amon

₆₀omnes Nathinnei et filii servorum Salomonis trecenti nonaginta duo

₆₁hii sunt autem qui ascenderunt de Thelmella Thelarsa

Cherub Addon et Emmer

et non potuerunt indicare domum patrum suorum

et semen suum utrum ex Israhel essent

₆₂filii Dalaia filii Tobia

filii Necoda sescenti quadraginta duo

₆₃et de sacerdotibus filii Abia filii Accos

filii Berzellai qui accepit de filiabus Berzellai Galaditis uxorem

et vocatus est nomine eorum

₆₄hii quaesierunt scripturam suam in censu et non invenerunt

et eiecti sunt de sacerdotio

₆₅dixitque Athersatha eis

ut non manducarent de sanctis sanctorum

donec staret sacerdos doctus et

eruditus

₆₆omnis multitudo quasi unus

quadraginta duo milia sescenti sexaginta

₆₇absque servis et ancillis eorum

qui erant septem milia trecenti triginta et septem

et inter eos cantores et cantrices ducentae quadraginta quinque

₆₉cameli quadringenti triginta quinque

asini sex milia septingenti viginti

₇₀nonnulli autem de principibus familiarum dederunt in opus

Athersatha dedit in thesaurum auri dragmas mille

fialas quinquaginta tunicas sacerdotales quingentas triginta

₇₁et de principibus familiarum dederunt in thesaurum operis

auri dragmas viginti milia

et argenti minas duo milia ducentas

₇₂et quod dedit reliquus populus

auri dragmas viginti milia et argenti minas duo milia

et tunicas sacerdotales sexaginta septem

₇₃habitaverunt autem sacerdotes et Levitae et ianitores et cantores

et reliquum vulgus et Nathinnei et omnis Israhel in civitatibus suis