LIBER EZRAE 2

₁hii sunt autem filii provinciae

qui ascenderunt de captivitate

quam transtulerat Nabuchodonosor rex Babylonis in Babylonem

et reversi sunt in Hierusalem et Iudam

unusquisque in civitatem suam

₂qui venerunt cum Zorobabel

Hiesua Neemia Saraia

Rahelaia Mardochai Belsan Mesphar

Beguai Reum Baana

numerus virorum populi Israhel

₃filii Pharos duo milia centum septuaginta duo

₄filii Sephetia trecenti septuaginta duo

₅filii Area septingenti septuaginta

quinque

₆filii Phaethmoab filiorum Iosue Ioab duo milia octingenti duodecim

₇filii Helam mille ducenti quinquaginta quattuor

₈filii Zeththua nongenti quadraginta quinque

₉filii Zacchai septingenti sexaginta

₁₀filii Bani sescenti quadraginta duo

₁₁filii Bebai sescenti viginti tres

₁₂filii Azgad mille ducenti viginti duo

₁₃filii Adonicam sescenti sexaginta sex

₁₄filii Beguai duo milia quinquaginta sex

₁₅filii Adin quadringenti quinquaginta quattuor

₁₆filii Ater qui erant ex Hiezechia nonaginta octo

₁₇filii Besai trecenti viginti tres

₁₈filii Iora centum duodecim

₁₉filii Asom ducenti viginti tres

₂₀filii Gebbar nonaginta quinque

₂₁filii Bethleem centum viginti tres

₂₂viri Netupha quinquaginta sex

₂₃viri Anathoth centum viginti octo

₂₄filii Azmaveth quadraginta duo

₂₅filii Cariathiarim Caephira et Beroth septingenti quadraginta tres

₂₆filii Arama et Gaba sescenti viginti unus

₂₇viri Machmas centum viginti duo

₂₈viri Bethel et Gai ducenti viginti tres

₂₉filii Nebo quinquaginta duo

₃₀filii Megbis centum quinquaginta sex

₃₁filii Helam alterius mille ducenti quinquaginta quattuor

₃₂filii Arim trecenti viginti

₃₃filii Lod Adid et Ono septingenti viginti quinque

₃₄filii Hiericho trecenti quadraginta quinque

₃₅filii Sennaa tria milia sescenti triginta

₃₆sacerdotes

filii Idaia in domo Hiesue nongenti septuaginta tres

₃₇filii Emmer mille quinquaginta duo

₃₈filii Phessur mille ducenti quadraginta septem

₃₉filii Arim mille decem et septem

₄₀Levitae

filii Hiesue et Cedmihel filiorum Odevia

septuaginta quattuor

₄₁cantores filii Asaph centum viginti octo

₄₂filii ianitorum filii Sellum filii Ater

filii Telmon filii Accub filii Atita filii Sobai

universi centum triginta novem

₄₃Nathinnei

filii Sia filii Asupha filii Tebbaoth

₄₄filii Ceros filii Siaa filii Phadon

₄₅filii Levana filii Agaba filii Accub

₄₆filii Agab filii Selmai filii Anan

₄₇filii Gaddel filii Gaer filii Rahaia

₄₈filii Rasin filii Nechoda filii Gazem

₄₉filii Aza filii Phasea filii Besee

₅₀filii Asenaa filii Munim filii Nephusim

₅₁filii Becbuc filii Acupha filii Arur

₅₂filii Besluth filii Maida filii Arsa

₅₃filii Bercos filii Sisara filii Thema

₅₄filii Nasia filii Atupha

₅₅filii servorum Salomonis filii Sotei filii Suphereth

filii Pharuda

₅₆filii Iala filii Dercon filii Gedel

₅₇filii Saphatia filii Athil filii Phocereth qui erant de Asebaim

filii Ammi

₅₈omnes Nathinnei et filii servorum Salomonis trecenti nonaginta duo

₅₉et hii qui ascenderunt de Thelmela Thelarsa

Cherub et Don et Mer

et non potuerunt indicare domum patrum suorum et semen suum

utrum ex Israhel essent

₆₀filii Delaia filii Tobia filii Necoda sescenti quinquaginta duo

₆₁et de filiis sacerdotum filii Obia filii Accos

filii Berzellai qui accepit de filiabus Berzellai Galaditis uxorem

et vocatus est nomine eorum

₆₂hii quaesierunt scripturam genealogiae suae et non invenerunt

et eiecti sunt de sacerdotio

₆₃et dixit Athersatha eis ut non comederent de sancto

sanctorum

donec surgeret sacerdos doctus atque perfectus

₆₄omnis multitudo quasi unus quadraginta duo milia trecenti sexaginta

₆₅exceptis servis eorum et ancillis

qui erant septem milia trecenti triginta septem

et in ipsis cantores atque cantrices ducentae

₆₆equi eorum septingenti triginta sex

muli eorum ducenti quadraginta quinque

₆₇cameli eorum quadringenti triginta quinque

asini eorum sex milia septingenti viginti

₆₈et de principibus patrum

cum ingrederentur templum Domini quod est in Hierusalem

sponte obtulerunt in domum Dei

ad extruendam eam in loco suo

₆₉secundum vires suas dederunt in inpensas operis

auri solidos sexaginta milia

et mille

argenti minas quinque milia

et vestes sacerdotales centum

₇₀habitaverunt ergo sacerdotes et Levitae et de populo

et cantores et ianitores et Nathinnei in urbibus suis

universusque Israhel in civitatibus suis