VERBA DIERUM I 2

₁filii autem Israhel Ruben Symeon Levi Iuda Isachar et Zabulon

₂Dan Ioseph Beniamin Nepthali Gad Aser

₃filii Iuda Her Aunan Sela

tres nati sunt ei de filia Sue Chananitidis

fuit autem Her primogenitus Iuda malus coram Domino

et occidit eum

₄Thamar autem nurus eius peperit ei Phares et Zara

omnes ergo filii Iuda quinque

₅filii autem Phares Esrom et Hamul

₆filii quoque Zarae Zamri et Ethan et Eman

Chalchal quoque et Darda simul quinque

₇filii Carmi Achar

qui turbavit Israhel et peccavit in furto anathematis

₈filii Ethan Azarias

₉filii autem Esrom qui nati sunt ei Ieremahel et Ram et Chalubi

₁₀porro Ram genuit Aminadab

Aminadab autem genuit Naasson principem filiorum Iuda

₁₁Naasson quoque genuit Salma de quo ortus est Boez

₁₂Boez vero genuit Obed qui et ipse genuit Isai

₁₃Isai autem genuit primogenitum Heliab secundum Abinadab

tertium Samaa

₁₄quartum Nathanahel quintum Raddai

₁₅sextum Asom septimum David

₁₆quorum sorores fuerunt Sarvia et Abigail

filii Sarviae Abisai Ioab et Asahel tres

₁₇Abigail autem genuit Amasa cuius pater fuit Iether Ismahelites

₁₈Chaleb vero filius Esrom accepit uxorem nomine Azuba

de qua genuit Ierioth

fueruntque filii eius Iesar et Sobab et Ardon

₁₉cumque mortua fuisset Azuba

accepit uxorem Chaleb Ephrath quae peperit ei Ur

₂₀porro Ur genuit Uri et Uri genuit Beselehel

₂₁post haec ingressus est Esrom ad filiam Machir patris Galaad

et accepit eam cum esset annorum sexaginta quae peperit ei Segub

₂₂sed et Segub genuit Iair

et possedit viginti tres civitates in terra Galaad

₂₃cepitque Gessur et Aram oppida Iair

et Canath et viculos eius sexaginta civitatum

omnes isti filii Machir patris Galaad

₂₄cum autem mortuus esset Esrom ingressus est Chaleb ad Ephrata

habuit quoque Esrom uxorem Abia

quae peperit ei Assur patrem Thecue

₂₅nati sunt autem filii Hieramehel primogeniti Esrom

Ram primogenitus eius et Buna et Aran et Asom et Ahia

₂₆duxit quoque uxorem alteram Hieramehel nomine Atara

quae fuit mater Onam

₂₇sed et filii Ram primogeniti Hieramehel fuerunt Moos et Iamin

et Achar

₂₈Onam autem habuit filios Semmei et Iada

filii autem Semmei Nadab et Abisur

₂₉nomen vero uxoris Abisur Abiail

quae peperit Ahobban et Molid

₃₀filii autem Nadab fuerunt Saled et Apphaim

mortuus est autem Saled absque liberis

₃₁filius vero Apphaim Iesi qui Iesi genuit Sesan

porro Sesan genuit Oholi

₃₂filii autem Iada fratris Semmei Iether et Ionathan

sed et Iether mortuus est absque liberis

₃₃porro Ionathan genuit Phaleth et Ziza

isti fuerunt filii Hieramehel

₃₄Sesan autem non habuit filios sed filias

et servum aegyptium nomine Ieraa

₃₅deditque ei filiam suam uxorem quae peperit ei Eththei

₃₆Eththei autem genuit Nathan et Nathan genuit Zabad

₃₇Zabad quoque genuit Ophlal et Ophlal genuit Obed

₃₈Obed genuit Ieu Ieu genuit Azariam

₃₉Azarias genuit Helles Helles genuit Elasa

₄₀Elasa genuit Sisamoi Sisamoi genuit Sellum

₄₁Sellum genuit Icamian Icamian genuit Elisama

₄₂filii autem Chaleb fratris Hieramehel

Mosa primogenitus eius ipse est pater Ziph

et filii Maresa patris Hebron

₄₃porro filii Hebron Core et Thapphu et Recem et Samma

₄₄Samma autem genuit Raam patrem Iercaam

et Recem genuit Semmei

₄₅filius Semmei Maon et Maon pater Bethsur

₄₆Epha autem concubina Chaleb peperit Arran et Musa et Gezez

porro Arran genuit Gezez

₄₇filii Iadai Regom et Iotham

et Gesum et Phaleth et Epha et Saaph

₄₈concubina Chaleb Maacha peperit Saber et Tharana

₄₉genuit autem Saaph pater Madmena Sue patrem Machbena et patrem Gabaa

filia vero Chaleb fuit Achsa

₅₀hii erant filii Chaleb

filii Ur primogeniti Ephrata

Sobal pater Cariathiarim

₅₁Salma pater Bethleem

Ariph pater Bethgader

₅₂fuerunt autem filii Sobal patris Cariathiarim

qui videbat dimidium requietionum

₅₃et de cognatione Cariathiarim Iethrei et Apphutei et Semathei et Maserei

ex his egressi sunt Saraitae et Esthaolitae

₅₄filii Salma Bethleem et Netophathi

coronae domus Ioab et dimidium requietionis Sarai

₅₅cognationes quoque scribarum habitantium in Iabis

canentes atque resonantes et in tabernaculis commorantes

hii sunt Cinei qui venerunt de calore patris domus Rechab