PSALMI 120

Ἦρα τοὺς ὀφθαλμούς μου εἰς τὰ ὄρη

Πόθεν ἥξει ἡ βοήθειά μου;

₂ἡ βοήθειά μου παρὰ κυρίου

τοῦ ποιήσαντος τὸν οὐρανὸν καὶ τὴν γῆν.

₃μὴ δῷς εἰς σάλον τὸν πόδα σου,

μηδὲ νυστάξῃ ὁ φυλάσσων σε.

₄ἰδοὺ οὐ νυστάξει οὐδὲ ὑπνώσει

ὁ φυλάσσων τὸν Ισραηλ.

₅κύριος φυλάξει σε,

κύριος σκέπη σου ἐπὶ χεῖρα δεξιάν σου·

₆ἡμέρας ὁ ἥλιος οὐ συγκαύσει σε

οὐδὲ ἡ σελήνη τὴν νύκτα.

₇κύριος φυλάξει σε ἀπὸ παντὸς κακοῦ,

φυλάξει τὴν ψυχήν σου.

₈κύριος φυλάξει τὴν εἴσοδόν σου καὶ τὴν ἔξοδόν σου

ἀπὸ τοῦ νῦν καὶ ἕως τοῦ αἰῶνος.