PSALMI IUXTA LXX 149

Cantate Domino canticum novum laus eius in ecclesia sanctorum

₂laetetur Israhel in eo qui fecit eum et filii Sion exultent in rege suo

₃laudent nomen eius in choro in tympano et psalterio psallant ei

₄quia beneplacitum est Domino in populo suo

et exaltabit mansuetos in salute

₅exultabunt sancti in gloria laetabuntur in cubilibus suis

₆exaltationes Dei in gutture eorum

et gladii ancipites in manibus eorum

₇ad faciendam vindictam in nationibus increpationes in populis

₈ad alligandos reges eorum in conpedibus

et nobiles eorum in manicis ferreis

₉ut faciant in eis iudicium conscriptum

gloria haec est omnibus sanctis eius