PSALMI IUXTA LXX 129

De profundis clamavi ad te Domine

₂Domine exaudi vocem meam

fiant aures tuae intendentes in vocem deprecationis meae

₃si iniquitates observabis Domine

Domine quis sustinebit

₄quia apud te propitiatio est

propter legem tuam sustinui te Domine

sustinuit anima mea in verbum eius

₅speravit anima mea in Domino

₆a custodia matutina usque ad noctem

speret Israhel in Domino

₇quia apud Dominum misericordia et copiosa apud eum redemptio

₈et ipse redimet Israhel ex omnibus iniquitatibus eius