PSALMI IUXTA LXX 12

Usquequo Domine oblivisceris me in finem

usquequo avertis faciem tuam a me

₂quamdiu ponam consilia in anima mea

dolorem in corde meo per diem

₃usquequo exaltabitur inimicus meus super me

₄respice exaudi me Domine Deus meus

inlumina oculos meos ne umquam obdormiam in mortem

₅nequando dicat inimicus meus praevalui adversus eum

qui tribulant me exultabunt si motus fuero

₆ego autem in misericordia tua speravi

exultabit cor meum in salutari tuo

cantabo Domino qui bona tribuit mihi

et psallam nomini Domini altissimi