LIBER IOSUE 15

₁igitur sors filiorum Iudae per cognationes suas ista fuit

a termino Edom desertum Sin contra meridiem

et usque ad extremam partem australis plagae

₂initium eius a summitate maris Salsissimi

et a lingua eius quae respicit meridiem

₃egrediturque contra ascensum Scorpionis

et pertransit in Sina

ascenditque in Cadesbarne et pervenit in Esrom

ascendens Addara et circumiens Caricaa

₄atque inde pertransiens in Asemona

et perveniens ad torrentem Aegypti

eruntque termini eius mare Magnum

hic erit finis meridianae plagae

₅ab oriente vero erit initium mare Salsissimum

usque ad extrema Iordanis

et ea quae respiciunt aquilonem

a lingua maris usque ad eundem Iordanem fluvium

₆ascenditque terminus in Bethagla et transit ab aquilone in Betharaba

ascendens ad lapidem Boem filii Ruben

₇et tendens usque ad terminos Debera

de valle Achor contra aquilonem respiciens Galgala

quae est ex adverso ascensionis Adommim

ab australi parte torrentis

transitque aquas quae vocantur fons Solis

et erunt exitus eius ad fontem Rogel

₈ascenditque per convallem filii Ennom

ex latere Iebusei ad meridiem haec est Hierusalem

et inde se erigens ad verticem montis qui est contra Gehennom

ad occidentem

in summitate vallis Rafaim contra aquilonem

₉pertransitque a vertice montis usque ad fontem aquae Nepthoa

et pervenit usque ad vicos montis Ephron

inclinaturque in Bala quae est Cariathiarim id est urbs Silvarum

₁₀et circuit de Bala contra occidentem usque ad montem Seir

transitque iuxta latus montis Iarim ad aquilonem in Cheslon

et descendit in Bethsames transitque in Thamna

₁₁et pervenit contra aquilonem partis Accaron ex latere

inclinaturque Sechrona et transit montem Baala

pervenitque in Iebnehel

et maris Magni contra occidentem fine concluditur

₁₂hii sunt termini filiorum Iuda per circuitum in cognationibus suis

₁₃Chaleb vero filio Iepphonne dedit partem in medio filiorum

Iuda

sicut praeceperat ei Dominus

Cariatharbe patris Enach ipsa est Hebron

₁₄delevitque ex ea Chaleb tres filios Enach

Sesai et Ahiman et Tholmai de stirpe Enach

₁₅atque inde conscendens venit ad habitatores Dabir

quae prius vocabatur Cariathsepher id est Civitas litterarum

₁₆dixitque Chaleb qui percusserit Cariathsepher et ceperit eam

dabo illi Axam filiam meam uxorem

₁₇cepitque eam Othonihel filius Cenez frater Chaleb iunior

deditque ei Axam filiam suam uxorem

₁₈quae cum pergerent simul

suasit viro

ut peteret a patre suo agrum

suspiravitque ut sedebat in asino

cui Chaleb quid habes inquit

₁₉at illa respondit da mihi benedictionem

terram australem et arentem dedisti mihi iunge et inriguam

dedit itaque ei Chaleb inriguum superius et inferius

₂₀haec est possessio tribus filiorum Iuda per cognationes suas

₂₁erantque civitates ab extremis partibus filiorum Iuda

iuxta terminos Edom a meridie

Cabsehel et Eder et Iagur

₂₂et Cina et Dimona

Adeda

₂₃et Cedes et Asor Iethnan

₂₄Zif et Thelem

Baloth

₂₅et Asor nova et Cariothesrom haec est Asor

₂₆Aman

Same et Molada

₂₇et Asergadda et Asemon

Bethfeleth

₂₈et Asersual et Bersabee et Baziothia

₂₉Bala et Hiim

Esem

₃₀et Heltholad Exiil et Harma

₃₁Siceleg et Medemena et Sensenna

₃₂Lebaoth et Selim et Aenremmon

omnes civitates viginti novem et villae earum

₃₃in campestribus vero Esthaul et Saraa et Asena

₃₄et Azanoe

et Aengannim Thaffua et Aenaim

₃₅et Hierimoth

Adulam Soccho et Azeca

₃₆et Saraim

Adithaim et Gedera et Giderothaim

urbes quattuordecim et villae earum

₃₇Sanan et Adesa et Magdalgad

₃₈Delean et Mesfa et Iecthel

₃₉Lachis et Bascath et Aglon

₄₀Thebbon et Lehemas et Chethlis

₄₁et Gideroth

Bethdagon et Neema et Maceda

civitates sedecim et villae earum

₄₂Labana et Aether et Asan

₄₃Ieptha et Esna et Nesib

₄₄Ceila et Achzib et Maresa

civitates novem et villae earum

₄₅Accaron cum vicis et villulis suis

₄₆ab Accaron usque ad mare omnia quae vergunt ad Azotum

et viculos eius

₄₇Azotus cum vicis et villulis suis

Gaza cum viculis et villulis suis

usque ad torrentem Aegypti

mare Magnum terminus eius

₄₈et in monte Samir et Iether et Soccho

₄₉et Edenna

Cariathsenna haec est Dabir

₅₀Anab et Isthemo et Anim

₅₁Gosen et Olon et Gilo

civitates undecim et villae earum

₅₂Arab et Roma et Esaan

₅₃Ianum et Bethafua et Afeca

₅₄Ammatha et Cariatharbe haec est Hebron et Sior

civitates novem et villae earum

₅₅Maon et Chermel et Zif et Iotae

₅₆Iezrehel et Iucadam et Zanoe

₅₇Accaim Gebaa et Thamna

civitates decem et villae earum

₅₈Alul et Bethsur et Gedor

₅₉Mareth et Bethanoth et Elthecen

civitates sex et villae earum

₆₀Cariathbaal haec est Cariathiarim urbs Silvarum et Arebba

civitates duae et villae earum

₆₁in deserto Betharaba Meddin et Schacha

₆₂Anepsan et civitas Salis et Engaddi

civitates sex et villae earum

₆₃Iebuseum autem habitatorem Hierusalem non potuerunt filii Iuda delere

habitavitque Iebuseus cum filiis Iuda in Hierusalem

usque in praesentem diem