PSALMI IUXTA HEBR. 115

₁₀credidi propter quod locutus sum

ego adflictus sum nimis

₁₁ego dixi in stupore meo omnis homo mendacium

₁₂quid reddam Domino

pro omnibus quae tribuit mihi

₁₃calicem salutis accipiam et nomen Domini invocabo

₁₄vota mea Domino reddam coram omni populo eius

₁₅gloriosa in conspectu Domini mors sanctorum eius

₁₆obsecro Domine quia ego servus tuus

ego servus tuus filius ancillae tuae

dissolvisti vincula mea

₁₇tibi immolabo hostiam laudis et in nomine Domini invocabo

₁₈vota mea Domino reddam in conspectu omnis populi eius

₁₉in atriis domus Domini

in medio tui Hierusalem alleluia