PSALMI IUXTA LXX 125

In convertendo Dominum captivitatem Sion

facti sumus sicut consolati

₂tunc repletum est gaudio os nostrum et lingua nostra exultatione

tunc dicent inter gentes magnificavit Dominus facere cum eis

₃magnificavit Dominus facere nobiscum facti sumus laetantes

₄converte Domine captivitatem nostram

sicut torrens in austro

₅qui seminant in lacrimis in exultatione metent

₆euntes ibant et flebant portantes semina sua

venientes autem venient in exultatione

portantes manipulos suos