PSALMI IUXTA LXX 121

Laetatus sum in his quae dicta sunt mihi in domum Domini ibimus

₂stantes erant pedes nostri in atriis tuis Hierusalem

₃Hierusalem quae aedificatur ut civitas

cuius participatio eius in id ipsum

₄illic enim ascenderunt tribus tribus Domini testimonium

Israhel

ad confitendum nomini Domini

₅quia illic sederunt sedes in iudicium

sedes super domum David

₆rogate quae ad pacem sunt Hierusalem

et abundantia diligentibus te

₇fiat pax in virtute tua et abundantia in turribus tuis

₈propter fratres meos et proximos meos loquebar pacem de te

₉propter domum Domini Dei nostri quaesivi bona tibi