PSALMI IUXTA LXX 115

Credidi propter quod locutus sum

ego autem humiliatus sum nimis

₁₁ego dixi in excessu meo omnis homo mendax

₁₂quid retribuam Domino pro omnibus quae retribuit mihi

₁₃calicem salutaris accipiam et nomen Domini invocabo

₁₄vota mea Domino reddam coram omni populo eius

₁₅pretiosa in conspectu Domini mors sanctorum eius

₁₆o Domine quia ego servus tuus

ego servus tuus et filius ancillae tuae disrupisti vincula mea

₁₇tibi sacrificabo hostiam laudis

et in nomine Domini invocabo

₁₈vota mea Domino reddam in conspectu omnis populi eius

₁₉in atriis domus Domini in medio tui Hierusalem