PSALMI IUXTA LXX 109

Dixit Dominus Domino meo sede a dextris meis

donec ponam inimicos tuos scabillum pedum tuorum

₂virgam virtutis tuae emittet Dominus ex Sion

dominare in medio inimicorum tuorum

₃tecum principium in die virtutis tuae in splendoribus sanctorum

ex utero ante luciferum genui te

₄iuravit Dominus et non paenitebit eum

tu es sacerdos in aeternum secundum ordinem Melchisedech

₅Dominus a dextris tuis confregit in die irae suae

reges

₆iudicabit in nationibus implebit cadavera

conquassabit capita in terra multorum

₇de torrente in via bibet propterea exaltabit caput